الشوق من حاطفْ

الشوق من حاطف لا قاطفْ
الشوق من حاطفْ .. لا .. قاطفْ
إتلمَّ يهز ليك .. يا نوراى
يادرقة وسيف
يا حضناً .. كيف
من شر الصيف والشتا .. ضاراى
يا شعلة عِـز .. بقـّت جوّاى
عدّت بى ضلام بحراً عاصف
...................
يا بت العرب النوبية
يا بت النوبة العربية
بى فردة نخوة .. بجاوية
أو شدر الصحوة .. الزنجية
دسينى من الزمن الفارغ
من ريح المتعة .. الوقتية
من شر الساحق والماحق
بين دبشْ المدن .. المدعيـّة
والليل إتحكـّر بيناتا
كحـّل بى دبشو عويناتا
يا شمس الناس .. المنسية