منتدي اولاد وبنات الفاشر



 
الرئيسيةالبوابةمكتبة الصورس .و .جبحـثقائمة الاعضاءالتسجيلدخول
رسالة معطرة من إدارة المنتدى إلى أعضائها و زوراها ... نتمنى أن نقدم لكم كل مفيد ونرجوا أن نتكاتف للنهوض بالمنتدى وجعله من أكبر المنتديات السودانية
شاطر | 
 

 جميع كلمات محمود عبد العزيز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عماد بطة




الجنس: ذكر
الثور عدد المساهمات: 81
نقاط: 1624
السٌّمعَة: 0
تاريخ التسجيل: 18/01/2011
العمر: 26
الموقع: elfasher

مُساهمةموضوع: جميع كلمات محمود عبد العزيز   الإثنين أكتوبر 03, 2011 2:38 pm

1/ كلمات البوم خلي باك

خــلي بالك

خلي بالك لي إيدي وقت اسالمك لما يازولتي البريدك
أمسح من الزمن العداوة واقول بريدك
تفرح الناس الحزينة والأسف الكان مدينة
تهدمو الريدة الحنينة
إنت وأنا من فوق على قمماً سعيدة
نخلي صوتنا دوام يغني
ياصوتنا غني باللهفة والحب والتمني
لاسهاد في ليل بعاند لا الوجع تاني بعاود
بس تغني نهدم الخسران ونبني بالوهج عالم مغني


النهايات

النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو البياخد من ملامحك نغمة من طبلة وربابة
يصنعوا اللحن البيدوي يجمعوا الأرض والسحابة
نخلة تاخد من ملامحك فرحة النيل في التعابة
طفلة تلعب بين دموعو كايسة لي حرف الكتابة
النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو اللي ثابت فينا منك هو اللي ساكن في الحنايا
النهايات التفتش في عيونك للبداية

قربــك

قربك بفرحني بعدك بجرحني
حبك بسمحني صدك بقمحني
إن شاء الله دايم لي قربك وحبك لي
إن شاء الله لينا تدوم المودة والريدة
ننسى السهر والنوم نحضن أغاريدا
ننسج سوا الأحلام نتفانى شوق وهيام
وهواك يحلق بي وارعاك بضي عيني
الله العليم بالريد جافانا صداً ليه
قسمة ما بالأيد وهواك هد الحيل
وهواك شال البال ياغاية الآمال
سآل الكريم الحي يحميك ويلطف بي
مالينا غير الريد غير الهوى الغلاب
غير رحمتك يالسيد يامجمع الألباب
يجمعنا رغم البين ونعيش سوا الإتنين
أرضيك وتبسم لي يالبي هواك أنا حي

لماردتـــك

لما ردتك كنت عارفك زي نغيمة هاربة من وتر الأسية
كنت شايفك زي نجيمة ضاوية في الفجج القصية
كنت حابسك زي دميعة خوفي لما تسيل روية
تجرف أحلام العيون العايشة جنبك لاشقية
لما ردتك كان عمر قصتنا ساعة
الزمن في لحظة نادى كل أفراحو المضاعة
ماالمودة معاني سامية والأمل للروح مساعة
إنتي ترحلي زي مراكب للوداع فردت شراعا
حومي في خاطر حبيبك كوني في زحمة ظروفو
شعري من بهجة عيونك من حنانك ضي حروفو
دنيا فيها الريدة قسمة وكل زول كايس وليفو
ريدي مكتوب في الجبين بكرة ياما العين تشوفو


كل ما سألت عليك

كل ما سألت عليك صدوني حراسك
ردوا الجواب كافين مع إني من ناسك
ردوا الجواب قالوا كم غيرك إحتالوا
غير صدهم لاشئ مننا نالوا
يا قاسي يا قاسي هل يرضيك ما قالوا
ام إنت ماهاميك ولا حرّك إحساسك
ياغالي ياغالي يالديمة في بالي
جفاك حارمني من لهجك الحالي
أنا في هواك ياجميل إتحطم آمالي
أنا برضي بستناك والصبر يحلالي
كل ما شذاك يسري في قلبي كالسحر
ييقظ لهيب الشوق والهوى العذري
أهواك واداري هواك لو يتقضي عمري
عمري باقي على عطفك وإحساسك أنا


مسافـتك

لامقدور أسيبك ولاعايش معاكي
لا معدود حبيبك ولا عاشق سواكي
أجيكي بكل طيبة وأنا العايزك حبيبة
تجيني بكل ريبة ولاقي عيون غريبة
كأنك ما قريبة
أجيكي بكل حناني واقول جنبك أماني
تجيني بشكل تاني تضيع مني الأماني
وافتش لي رضاكي
معاكي غلبت حيلة مسافتك مستحيلة
ولا الريدة النبيلة ولا العشرة الجميلة
ولا التحنان هداكي
بخاف من بكرة بعدك يالأخلفت وعدك
انا البشقيني بعدك يكون في بعدي سعدك
واعيش محروم هواكي
أكون يالله واهم وفاكر الخوة ريدة
وإنتي نهاكي فاهم ايه معني القصيدة
وأنا الحزنان وباكي

2/ البوم سكت الرباب

خلي العيش حرام

خلي العيش حرام مادام أرى الموت يحل
مابين الرميش فوق للطريف الكحيل
هز صدرو ميل فدع الخصر النحيل
درّاج المقل شبه المهر الوحيل
النوم مني فرّ وقلبي ناوي الرحيل
من غير المنام طيف الخيال مستحيل
ولا لان إشتياقي وقلبي أصبح وجيل
ولا من جمال يرفع لي قدرك يجل
يشتاق الهلال ينصاع لي قدمك حجل
بنخوض الرماح لوكان تزيد أو تقل
ونخاف من ضميراً أهيف منفتل
ونقابل المدافع بالثبات والعقل
ونخاف سيف عيونو إن لمعت يضرب صقل
يالمنك معار تكحل شويدن الخميل
علمت الغصون مع الغصون كيف تميل
مختارك رعاك في عشو ودمعو الهميل
التختارو لي لاشك جميل ياجميل

بسأل عليك

بسأل عليك حزن الشفق
وقت الخيال ينعس ينوم يتوسد أحلام الأفق
ورعشة الليل الطويل آهة الشوق والأرق
بسأل عليك لما السؤال يصبح سفر
بلقاك في فيض الأماني الذايبة في رنة وتر
في لمحة الطيف البعربد مرة بالخاطر عبر
ورعشة الأمل البفوح يتلاشى زي لون السحر
مطوية في حضنو المسير مخفية في صدف البحر
بسأل عليك في زحمة التيه المحاصر بالفراغ
في صحية الوعي المخدر في جبين الكون ضياع
في غربة الشجن المعذب ورهبة الخوف المشاع
بتجيني في وجع الحروف الياسة تشرب من أنينا
في شارة الالم البتكبر الجاية من أغوار دفينة
مكسية بي لون الشفق مشحونة من طرف المدينة
بسأل عليك لاملت أشواقي السؤال
بسأل عليك لا إرتاحت الخطوة الخزينة

سكت الرباب

سكت الرباب قبال يقول غنواتو بي شوق يهمسا
لما النغم الكان بدغدغ فينا إحساس وإتنسى
علمنا أشواق العصافير للمغارب والمساء
ياحليلو عاد حسو الحنين مابقول همسة شفايف
والعيون لغة الاصابع الراعشة ساعة يلمسا
فقدت ليالي الشوق نجيماً زين صفاها وآنسا
أحبابي كيف سآلين عليك
قالوا الرباب ياناس قسى
خلانا لي نار القسى واخوفي من طول الطريق
أمشيهو كيف بين المغارب والمساء
سكت الرباب سكت الرباب


عشان نغني

عشان نغني نسوقا خيلاً للتمني
كوني أنهار العزايم حركي الموج للمغني
وأبدي مني رحلة هوى لافاتا زول لايصلني
تدخل شمس معنى القصايد وندخل الحب والمعاني
نبقي واحد الحدايق للرضا والشوارع للصبا
وزي ما الأصابع متنوعة نبقي إيد تعزف تغني
ونبقي إيد تفرح تغني
ونبقي إيد تفرح تغني
لي فوق يانيل لي فوق هناك
لي فوق ياخيل لي فوق سماك
لي فوق يابلد عشان نغني


شذى الأيام

شذى الأيام لقيتك غنوة من وهج الكلام
طاب القلب يحلم بالمنى رحل الغمام
الفرح الجزيل المدي الأنسام
إبتديت بيكي أعرف شفت وقتاً بيك يصدق
يملأ قلبي يسرح سلام
شفت نهراً شد حيلو بيكي يحلف يالحقيقة يالظلام


فاكرك معاي

أنا فاكرك معايا وين حبيبي فاكرك معاي
تسعد بي سعادتي وتشقى عشان شقاي
أنا فاكرك معاي وانت مع المظاهر
وماراعيت ضنايا وظلمك لي ظاهر

سهرت الليالي سليتني سلبت عودي
باب غفراني فاتح ليك لو عدته عودي
ديمة عشان رضاك انا باذل جهودي
ما راعيت ضناي وبلواي سهودي

تسمع كل واشي قولو عليك يكتر
عدو في توب صديقك اتوارى وتدثر

كل الناس بتغلط ما بحمل عليك
تعال خليني واصل اسفاري في عينيك


3/ كلمات البوم يا عمر

ياعمر

ياعمر خليني انسي والبينسي الريده سيبو
خلي عايش في خيالو بكره ما الايام تجيبو
لا العذر يشفع اليه ولا الندم في يوم بفيدو
ياعمر الفات ودع ماضي ابداً ما بعيده
الزمان ادي الفرح للقليب الما بسيدو
الزمان الداير يصيدنا الزمان باكر بصيدو
لما قسم للشقاوه اداها للناس البريدو
ياما نشقي عشان عيونو لا الفرح كان يوم بايدو
ياعيون حزنانه صبرك مافي زول فايت نصيبو
ياعمر خليها سيره دا الزمان حدد مصيرو
يا عمر ياااااااااااااااااااا

غـدر الزمن

شغل القليب بالشوق على زولاً بحن
طبع الفراق الجوة إحساسي الدفين صورة شجن
زاد الألم سبب الفراق البينا كان غدر الزمن
غدر الزمن مسح الأحاسيس النبيلة وبدلا
عشرة سنين ممزوجة بي أحرف وفاء ما أجملا
عزاي حروف بعد الشقاء مسح الليالي وحولا
سلواي قصايد شاعر إتغرب وزادو بقى الصبر
نعمل شنو إلا الحصل بيناتنا ما نفذ القدر
يرجع يعاودني الحنين خاطري إنكسر يوم إنجبر



الحبيب

الحبيب مالو ما جاء وين مالو ما جاء
إنتظرتو لما ما جاء رحت زرتو
ياعوازلي إنتو جرتو كان عرفتو كان عزرتو

خدو صفقة جوا قلبي ليهو شفقة
الحنان العندو صدقة الدلال الظبية سبقا
حبي عرفو والأذاني سببو طرفو
ياعوازلي إنتو جرتو كان عرفتو كان عزرتو
حبي عرفو والأذاني سببو طرفو
ليهو القلوب بوالفو والبوالفو ما بخالفو

الحنان الزي حنانو شوفو لي وين مكانو
الجمال في الدنيا زانو ده بتروح الروح عشانو


الحنين

الحنين البي ليه ما قدرو
العمر من وين بيشترو
ضوق وقاسي الوحدة ياقلبي الرهيف
ياوليف الشوق بقيت فاقد الوليف
أن نساني وباع خلاص حبي الشريف
الكلام البينا كيفن ينكرو
الحنين البي من قلبي الأمين
من مشاعرو السامية والريد الدفين
الحنين البي لو طالت سنين
ما بتمر بي خاطري لحظة تودرو
ويا زمان العشرة وين طيبة القلوب و
وين أماني عمرنا والريد الطروب
المحبة البينا لو كانت ذنوب
الذنب في الريدة ليه ما يغفرو


بعد الفراق

بعد الفراق ما عدت تاني تهمنا
أيه الحصل تكتب جواب مضمونو انت تزمنا
ما قلت في ساعة الوداع مافي أمل حيلمنا
اخترت انت طريق طويل سكتنا ما زي سكتك
لبس المظاهر والغرور في نص الطريق بنزلك
أيه الحصل تكتب جواب عايزنا نحن نقدرك
ما قلت في ساعة الوداع انت النجوم وايدينا ما بتحصلك
نحنا ما درنا الفراق والله ما درنا الفراق البيهو جيت فاجأتنا
عايشين على ريدك سنين في لحظة جيت بس خنتنا
أيه الحصل تكتب جواب طالب نواصل ودنا
ماقلت في ساعة الوداع مافي أمل بيلمنا




جاهل وديع

جاهل وديع مغرور في أحلام صباهو
نايم خلي ومسرور ماعرف الهوى
في سور وداخل سور في روضة زهورغناء وقصور في قصور
آية الجمال مبصور أخلاق الرضيع في هيبة المنصور
باهي الدلال موفور محجور الخدود ماهو الخليع وسفور
زاد في نفور نفور أصبح قلبي في أيدو اليمين عصفور
لو ينفع المحزون مالي ومال هواهو الضامر المبزول
قاسي ومنيع ما بزور لكن دابو تاه جاهل صغير معزور
هل الهلال في حجور وتقلد نجوم لافي إعتزار في جور
مابرحم المهجور مأسور الجمال مابرضى حكم الجور
ناعم لواحظ حور قاروط لو رآه مثلي كان مسحور
فاق الحسان الحور في خدو الزهور زاهية وجوارا بحور




حبك ياجميل

حبك حبك ياجميل ساهر بي والدنيا ليل
حبك حبك ياجميل ساهر بي في ليل طويل
الليل مابنومو وبترقب عدد النجوم
يالفي خاطري دوام مرسوم وما بقدر على بعدو يوم
جنني في ليل لطويل

داخل قلبي أنا لي حبيب وبتألم كل ما يغيب
يا جراحي الما ليك طبيب أملي معلق كيف تجي
ساهر بي في ليل طويل

حبيب القلب ساب نسي حسنو بديع بدع المساء
ياجراحي كيف ألمسا الألامي كيف الامسا
يا جراحي كيف المسا عيني كيفن أحنسا
جنني في ليل طويل

4 / البوم سيب عنادك
سيب عنادك

في نعيمك وأنت هاني
يا البقيت سلطان زماني
أنت ليك حبي وحناني
مافي غيرك ريدا تاني
ما تسيب عنادك ما كفاني
******
أنت ليه ليه ليه ديمة ناسي
والزمان علي قاسي
أنت يا ربيع حياتي
أملي فيك رغم المآسي
ما تسيب عنادك ما كفاني


عمري

عمري بعدو بالساعات عشان خاطر مواعيدك
أماني اللقيا في عيوني متين ألقاك وأضم أيدك
دي حتى عيوني يا غالي بقت ولهانة بتريدك
عمــــــــــــــــري
*******
تمر اللحظة والساعة وأقيف يا غالي وحداني
أمني عيوني بي شوفتك تعود الفرحة من تاني
عمــــــــــــــــري
*******



منو القال ليك

منو القال ليك بنتحمل فراق عينيك
وحات الريدة يا أسمر
فراقك ثانية ما بنقدر
ولكن غايتو نتصبر
وكل ما نحن نذكر
وكل ما ليك نذكر
تنزل دمعة تتحدر
نرجع تاني نغفر ليك
******
فراقك يوم بعذبنا
بعادك اه بيتعبنا
وكيفن مدة ما نشوفك
كيفن مدة ما نشوفك
كيفن يعني ما نلاقيك
******
وعاد يا غالي لما تروح
أنت وراك تروح الروح
بنمشي معاك ونبقى وراك
وبمشي معاك وابقى وراك
ابقى وراك عشان أحميك
*******


لقيتك

لقيتك في زمن ضائع صرخة في الماضي الخرافة
جيتني من عمق المواجع من شقى سنيني وجفافة
كلما ألقاك وحاتك ألقى دي السكة البخافة
*******
العمر يا غالي ودع لملم الآموا وجراحوا
عدى بي كل المرافي ودى للحاضر صراحو
قلبك الغلطان معاهو الله يغفر ليه ويسامحوا
*******
جيت تقول البينا روح عدى بي مرو وشقاهو
ولاهب القلب المجرح بي ربيع عزو وهناهو
وياما كم بي حبو صرح أشقى دا العكر صفاهو
*******
الحروف كانت تناجي همسة الصمت العابر
كنتا بستجدي العواطف زي مشرد حظو عاسر
العواطف هي هي ذكرى مرة وجرح كافر
*******


راقصين التويا

راقصين التويا كلمو لي أبوي
خلي النزور التونكي أجيب لي قصعة موية
*******
أخويا يا الطمباري قوم غني لي جراري
أنا بركب اللواري بتابع القماري
*******
راقصين التويا كلمو لي أبوي
خلي النزور التونكي أجيب لي حبة موية
*******
الراكب الشبرية بالله حن علي
بفارق المدينة وأتابع السعية
*******
كردفان أرضنا وشوف جمال ظباها
بابانوسا قميرة عمري ما بنساها
*******


خداع

خدعتني بدلالة ورمتني بنبالة
خلتني هويتا وقالت لي لالا
لالا والف لالا ولالا لالا
*******
أنظر ياخي شوفا وأنظر شوف جمالا
قدر ما أعاين ما لاقيت مثالا
لا القاعدين معاها ولا الجلسن قبالا
*******
لونك أسمراني أخضر زرعي لالا
لونك أسوداني أو سوداني شالا
لونك لون أفريقيا ويا ملكة جمالا
*******
النايرات خدودا والفارع قواما
الحلوات شفايف حلاوة الإبتسامة
********



هو الأختار

هو الأختار دنيتو هو المخير في إختيارو
جاي يعمل تاني ايه
وجاي عايز مني ايه
انا لا حبيبو ولا دياروا
*******
جاي كايس لي أعينوا بعد ما راح كل شئ
وكان فؤادي ملك يمينو والغرام بيناتنا حي
عدى راح زمن الندم
ذكرى ضماها العدم
والغرام غير مساروا
*******
الهوى السامي الأباهوا كنتا متخيل يسير
وحدي بتحمل شقاهو غير ما أحسب للمصير
الا قدري مسك إيدي بدل الحالة العلي
ساقني من حبك وناروا
*******
ياما في درب الهوى ناس تعيش في وهم كبير
فاكرا إنوا الحب دواء تايهة في أمرا عسير
والبعيش لي دنيا حلوة يلقى في أياموا سلوى
وينسى كل الليهو رادو
******


ليها

لو تعاين ليها تملا ود عينك
لو تعاين ليك ربنا يعينك
*******
في الجمال معدوم البساويها
ومن زمن مشتاق قلبي هاويها
ديمة ظالماني ،، محتكم ليها
لو تخليني ما بخليها
*******
للجمال نشتاق نشتهي نعاين
ما بنتكلم والجميل باين
لو عذاب الناس للجميل هاين
الله يغفر ليهو ما بنقول خاين
*******
أنتكت بانة وأتوقلت ريلة
من لطف روحها الهوى الهيلا
نسمة فواحة ،،، والجمال هيلا
والبيتجاسر عينو بتكيلا
********
للجمال أحكام تحكما سلوكوا
وفي القلوب أحكام تصدرا ملوكوا
إلا حسادوا ،،، لو بدر قولوا
ما بسيب حبو لأني مملوكو

5/ البوم جواب للبلد
خدعوك

خدعوك وجرحو سمعتك
نور وجنتيك طفتن مذارف دمعتك
*****
وين لونك الذهبي ونضارة لمعتك
كانت قلوب تخشي وتهاب من روعتك
ربك يجازي الخدعوك لمهالك الشر أودعوك
لابد ليهم يوم عسير يحيو ويقاسموك جرعتك
*****
وين عقلك الفاهم دليل وخبرتك
وين عقلك الثابت أساس وجبرتك
ربك يجازي الخدعوك لمهالك الشر أودعوك
هم ضللوك تخلو عنك سلوك
ما حسبو وراعو زكرتك
*****
خدعوك هل جازوك شئ من منيتك
أغروك فقدت أعز شئ في دنيتك
والخونة ظنوك تنساها وتجاهلو يوم الحساب
لكن تأكد ليك رب ياخد حقوقك وينصفك




جواب للبلد

ضــــل الـضـحـى الــرامـي ..
وشــمــس شــتـويـة دفــايـة ..
وريـحة الـبن ، لـما يـفوح فـي قلاية..
وفــــــــروة جـــــــدي .
وسبحة جـدي لـمن جـيت أمـد يـدي :
(جــــدي.. أديــنـي تـعـريـفة )..
(بـتـقرا الـحـمدو يــا الـمـبروك )..
(بـقـرها وشــان تـعـريفه الـقـاه)..
بــجـود فـــي الـقـراية كـمـان ..
منك يـــا يـمـة والله زمــان يا يمة .. !
وســبـحـة ( بــنــت الــفـكـي)
والــطــوريـة .. والـــواســوق..
وسـعف حـبوبة ، والحنقوق
وصــوت ( سـعدية ) بـت جـيرانا ...
تـشـحـد لـيـهـا فـــي طـايـوق.
وصـوت (عرفه) لما تخمج الدلوكة غناية...
الصور جوايا محفورة
الصــــور مــحـفـورة جــوايــا.

ولـــي الـلـيـلة ، ولـــي وبــــعــــد بــــاكــــر..
شــان الـزمن غـدار ومـا مـعروف..
زمــــــــن مــــكــــار ،
زمـانـا كـلـو خــوف فــي خـوف
بـــدور أجـيـك يايمه ضــاقـت بــيـا يــا يـمـه هـنـا
بـشـتاق يايـمـه لـي مـلاح الـنعيمية..
وريــحــة صــاجـك الـمـحـروق
ولـــمــا تــســوي طـعـمـيـة
وغـــــبـــــاشــــة روب ،
وعــــنــــزة حــــلــــوب

بــــدور أجيك أتــمـسـى بـعـيـونـك
وأصـابـحـك يـــا حـبـيـبتي أنــا
اتـــاري الـدنـيـا مــن دونــك...
شـيـنـة ومـــرة وحـــارة زي الــنـار..
ولو دورتي احكيلك عن حالي في البندر ،
أبدا بس من وين ؟؟
مـــا شـيـتـا غـريـب وعـجـيب
ده شـيـتا كـلـو شـيـن فــي شـيـن
هــنـا الـــزول الـعـديل ونـصـيح
وحــاتـك انـــت يـــا الـغـالـية
بـــعـــيــش حـــيــاتــو...
بــــي وشــيــن..
وزولــتــي الــحـتـي حـبـيـتها . يما وكان شفتي يا
لـقـيتها بــلاي ، تـحـب زولـيـن.. .
يـــا يـمـه والله زمــان وأيه !!


غضن الرياض

غصن الرياض المائد الناحلني هجرك
وإنت ناضر جفيتني ليه وأنا ليك رايد
ياغصن الرياض المائد
ما أظن عن غرامك لو أموت ماحائد
سهران ليلي طال والعين صحت ماجاير
تعبان قصدي ديمة وانت نافر وزايد
جفيتني ليه وانا ليك رايد
في الجيل جمالك سائد
عينيك لي جنود وانت ليهم قائد
يالنافر جفيتني بنظرة ليك ما عائد
شوفتك زي هلال العيد وفيهو أعاين
أنا وحبك ترعرعنا ونشأنا ندايد
من زمناً قبيل أيام حنان وعلائل
ماخلص القديم تبين مصايب جدايد
حن ياحبيب كفاني مر العذاب وشقاي
ياخلاصة الحواري المن جنان وخوالد
حسنك ليك يدوم لا أم تلد لا والد
داخل في ظلال مجدك تليد التالد
ياللابس العفاف حلية وعقود وقلائد
عانيت في الليالي متوقد وحائر
مشكلة بين هواك هواك وجفاك وانت محايد
ما ذنبي غير صغت النشيد الشائد
في مدحك برئ قصر الرشيد الشايل
جفيتني ليه وانا ليك رايد



هات لينا صبح

يخجل البدر يخمد المصباح ياليل هات لينا صباح
نحن كل صباح نبني في الآمال ماوجدنا رباح
سرنا المكتوم بالدموع إنباح والسهاد أصبح أمرو لينا مباح
*****
النسيم إن فاح يمتزج بذلال دمعنا السفاح
كم عشوق مهجور مضنى غير إصفاح
عينو في الورد روحو في التفاح
*****
يامنى الأرواح انت للعشاق كالشذى الفواح
عطر الدنيا وأملأ الاسواح
يغرو بيك الكون في غدوك رواح

*****
القلوب ترتاح من كمال التام للجمال ترتاح
أصلو زول لكن صورو الفتاح من سلالة الروح
نهلو للمرتاح
*****
الجمال شراح للصدور لكن للقلوب جراح
قالوا أهل الحب في الزمان الراح
نشوة الأحباب أحلي من الراح





السفر

تنساني أنا في اليوم بالمرة ياسيدي خاين
يامسافر إتدلا سيب السفر يلا
قلبي العشوق خلا ومن شوفتك إختلا
*****
بردي خاين ...

أصلو الحياة زكرى وفرق الأهل مرة
العمر أصلو ضايع وماضامنو لي بكرة
*****
ولسه خاين ...

سيب السفر سيبو دة القاسي تعذيبو
شلت القليب عندك وكيفن بتمشيبو



أذكري أيام صفانا

أذكري أيام صفانا وأذكري عهد اللقاء
والليالي الفي حبور
*****
أذكري أيام صفانا والليالي الفيها متبادلين وفاءنا
إصطفينا ظروفنا والحظ إصطفانا
جينا بي كل إقتراع بي حديث يشفي الجراح
بمغازلة وإنشراح القمربضياءه هاني
النسيم يهدينا أنفاس الزهور
*****
كنا داخل روضة مافيش حد سوانا
غير أن القمري يهتف بي هوانا
من أغاريد فنو أسمعنا إسطوانة
أما أرواحنا الخفاف رافية بي أثواب عفاف
زي عرائس يوم زفاف والنجوم بعيون تسامر
في إشتياق تنظرنا من خلف الستور
*****
الرياض في مبتهجة ضاحك إقحوانة
والزهور فرحانة إستقبل هوانا
طالعة يانعة زاهية في توب إرجوانة
النهار لينا إقترب والطيور تسجع طرب
وعاملة مزيكة قرب نحن صار مجلسنا عامر بالطرب
في نشوة في غبطة وحبور
*****
ياأنيس الحسن ياسامي المكانة
من عواطف الحب لو فاقد مكانة
أهدي لي تفاحة بس أو برتكانة
فهي غير شك مرضية منها إقتبس الضياء
بل أذوق طعم الحياة
إنت ملهمني الأغاني
إنت مصدر فني إحساسي وشعوري



عيوني وعيونك

عيوني وعيونك أسباب لوعتي
أسباب تشوق نظرتك أسباب نفورك نظرتي
بالصد تزيد في خبرتك بالحب أزيد في خبرتي
هواي يعجز فطرتك المر رفضت بفكرتي
*****
انت الذي أتعبتني وانت الذي فيك راحتي
لو آن هلاكي ولي دنيت أحيا وتحن لي فرحتي
كم إستغثت وكم دنيت من سقمي وإتلاف صحتي
كم رددت آهاتي كم دوى في الأفق صدى صيحتي
*****
جيوش إشتياقي هزمتني زادت أنتي
لو كنت قربي بأسرها فأجعل لحاظك سنتي

يانوري ياناري ياجنتي يانوري ياناري ياجنتي
أهوى الهلاك في هواك ليتخذ العوازل سنتي





6/ البوم سبب الريد

سبب الريد

سبب الريد عينيك وعينيّ هم الجارو عليك وعليّ
سبب الريد عينيك فتاكة ترمي الزول مجبور في شباكة
انت تفوت والناس بوراك ومن الشوق لعينيك تتباكى
لي عينيك عيني وروني وديمة علي رامياني عيوني
نظرن ليك عيني تعبوني رغم أزاي منك عجبوني
اشتاق ليك واتدفق ريدة ومن عينيك أخاف تهديدا
لي آمال وأماني بعيدة وليك في قلبي محبة شديدة
هم الجارو عليك وعليا ...

صرف النظر عني

صرف النظر عني وانا أصلي ما لمتو أظنو لايمني
ودايماً بقابلني وبالنظرة يسعدني وغير ما يواعدني
نظراتو تنده لي وتجذب نظر عيني واحس بأنو حبيبي
وهو مني ولي لكن بعاتبني

نتلاقى في الآمال لكن بتبعدنا عن ملتقى الأحوال
وعن عيوني يغيب وشخصي ليهو قريب
والبينا باقي غريب وهو لعيوني حبيب مهما يألمني


حبيبنا الأولاني

حبيبنا الأولاني فلان الفلاني
لينا معاهو ذكرى دايرين نعيدا تاني
لامرة يوم قابلنا نحنا الشوق كتلنا للديمة قلبو حاني
الأسمر الكناري زي نسمة العصاري
قلوبنا الريد تداري في عيونا نلقى تاني
ياأول ريد نعيشو بيهو القلوب يجشو
الطير القصو ريشو احزانو في اللأغاني
لو الدرب يجيبو أو يفتكر حبيبو
ده الحب محال نسيبو لو نشقى فيه ونعاني

مع السلامة

ما تنسي لي ترسلي يسعدني انك تذكريني
وعني دايماً تسألي
إذكري الريدة الكتبنا حروفا بي أجمل وفاء
أذكري الريدة القبيل عجز الخيال ما يوصفا
أطري الحنان المني ليك ساعة شقا وساعة صفا
أذكري الود الزمان بيناتنا وأطري المعرفة
بوصيك أنا لو إفتكرتي في يوم في زاتك
وبحثتي عن الما إنقضى من عمري من فيض إمنياتك
ولقيتي في جواك أوصافي وصفاتك
أنا لسا ما سكت النغم في صدري من فيض إمنياتك
على أي حال إن شاء الله ما آخر وداع
عشم اللقاء بيك ما إنقطع لو مستطاع
أصلو الحياة بين الأمل والشوق صراع
لكني زورق حبي ليك ياغالية ما داير شراع

إبتسامة حبيبي

إبتسامة حبيبي تكفي لما كان بينا الغرام
حقك انت أقلو توفي لو تفوت بس بالسلام
سبتنا نغالط عيونا عيونا لو بغالطن فيك عيون
يعني لو خانت ظروفك الظروف منك تخون
بتفوت ولابتدي السلام إبتسامة حبيبي تكفي
لما يوم أنا قلت ليك خايفك إنت تسيبني يوم
ياتو لوم في الدنيا انت مارميتو علي لوم
قلت لي يحلي الكلام ...

ست اللهيج السكري

إنتي الجمال بتسكري وجوه القلوب بتعسكري
ست اللهيج السكري
صاحب الصبابة توكري وليك بي رحالو تكركري
طاش نومي ياريت من كري ونام الحسود بالدكري
ببراءة تصطادي البرئ وترديهم إن سألوك بري
أياما تحري الجوف حري وفي قلوبنا إسمك تمهري
يالرايقة حامدة وتشكري ست جبرة ما بتتشكري
كدي مرة أرسي وفكري وإخلاصنا ليك ما تنكري
أمشي الهوينا إتمهلي وهزي القوام السمهري
خلي العزول إتجاهلي وهاك قلبي ليك تستاهلي
يالفقتي كل تصوري وكيف حال كيف تتصوري
المثلي لو كان منطري ومابا السطر بتسطري

هجد الأنام

هجد الأنام وأنا وحدي مساهر
النحول على جسمي ياحبايب ظاهر
أسبابي الحب الطاهر
أسباب سقامي وبكى طرفي الساهر
لي أزاي بعادو ومضى سيفو يشاهر
مرة أندب حظي ومرة أهتف أجاهر
أشكو دهري واناجي النجم الزاهر
انت عاقل وظالم انت ناهي وآمر
يتمنى البدر ليك يبقى مسامر
كونك انت دواماً بنوري ليك مغامر
واجتيازك عنو انت هادل وضامر
بالبات والآتي بالقوام الآمر
على صدرك فنبل كم أسلم كافر
الوريد والضمرة والقوام الماثل
من محاسنك عالي الغزال النافر


7/ اليوم يا مدهشة

يا مدهشة

أنتي مدهشة والله مدهشة يا ريلا يا ريم يا رشا
أغمز سهامك ورشرشا يا تمام قمر العشاء
يا ما حصل يا شوق مشا وجا وما وصل
يالنعمتو الخاتية الفسل يخلق من الصلصال عسل
تمر الفكي السيدو شايلو و مشتهي
يابقة العسل النقي تقول شنو يالما بتشبهي
يا مبدعة ياسمع وشوف يا مترعة
يالفوق خيال فكري الوعي
المابتلحقا جدعا


رغم بعدي

رغم بعدي برسل سلامي يحوي شوقي وكل إحترام
رغم بعدي وبعدك المحير والبعاد ماممكن يغير
لي هواي المشتول صغير من جهلتي أيام فطامي
رغم اني بعيد في مقامي انت برضو مسار إهتمامي
انت فجري الماثل أمامي انت ريدي وعشري وغرامي
لو أعيش في الدنيا ساعة ليكي بهديها بشجاعة
غيرك الساعات مضاعة والهموم توقظ منامي
السنين العامرة الطويلة والمشاعر السامية النبيلة
باقة أشواقي الجميلة ليك بتغنيك عن كلامي


تفارق كيف

مفارق كيف تخلينا وشوقنا وذكرى ماضينا
كيف بعدك يكون الحال وكيف تصبح ليالينا
فريقنا الكان مفرهد بيك وعاش روعة تلاقينا
صبح حزنان ومامصدق في يوم ترجع تعود لينا
وين بعدك ألاقي حنان رقة وخفة يازينا
مشيت خليتنا للأيام منو الغيرك بواسينا


سبب الأذى

عيني ياسبب الأذى ساهرتي بي آخر جزا
عيني ياسبب التعب شفتي الجمال شفتي العجب
حبو في قلوبنا إنكتب ذكراهو عندي معززة
الريدو علمنا السهر قابلنا مرة وما ظهر
خلاني أكتر من شهر ذكراهو عندي معظمه
ليه يا ليالي المعرفة يتبدل الحب بالجفا
الصد شقا والود شفا


عيني ما تبكي

عيني ماتبكي عيني ما تبكي
كفاية أحمل هم واعيش حياتي ألم
نارية في جسمي نيرانا مابترحم
ولاهو البحلني ولا الزمن برحم
جزاك ياعيوني بالأصلو ما شفتي
أظلم علي نوري يوم فات وخلاني
خلاني في ناري أندم لعمري الراح
ضاعت علي سنين يارتو ما عرفني
قوليّ ياهاجر أيه بعدك أيه أعمل
خليتني سبت الحي الباقي لي حصل
خليتني سبت الحي فقدت أعز أهل
نارية في جسمي نيرانا ما بترحم
ولاهو البحلني ولا الزمن برحم



ظالمني شوفتك

ظالمني شوف من كم سنة بعدين معاك أنا ياهوى
ودرتو فيك أملي الكبير ورميتني في جور النوى
سنيني ضاعت بي وراك وشايل دريباتك دوام
والغريبة بقولوا عنك للقلوب أنجع دواء
من بدري صافيتك أنا واشعلت في ديرك شموع
ووهبت ليك باقي العمر


العجب حبيبي

ادتي تحيا دموعي سالت والمنام ابى لي أنا
العجب حبيبي ...

يما زازا أخدت نظرة أنا من قصاد الطاقة
توب (الكرب) الجابوبك ( اللقادة)
ياسيد الناس أنا عاشقة زيادة
فوق الجيد أنا ببقى ليك قلادة
العجب حبيبي...

يوم لاقيتو واقف جنب بيتو
الزول الظريف واقف جنب بيتو
لقاني أشر لي سلاني ما سليتو
شفت الحبيب حتى النوم أبيتو

العجي حبيبي أداني تحية ..
دموعي سالت والمنام ابى ليا أنا
العجب حبيبيييييييييييييي


8/ البوم يا مفرحة

يا مفرحة

الجميل الجاي بكرة
أريتو بس لو عندو فكرة
أنو في غيابو إنجرحنا ولونت دنيانا حسرة
****
ناس كتار راجين مجيك يا فرح في العيد أطلة
ناس كتار حاسديني فيك وكانوا بس قاصدين مضرة
ناس كتار لو قالو ليك أنو ما فرقتنا مرة
أسال أيامنا الخوالي وأسال الجاينا بكرة
****
الظروف الفرقتنا علمتني كتير أعاني
أفتقدتك وكل لحظة كنت بفقد من كياني
الفراق اشجاني كلي واليقين بارح كياني
أفتقدتك ولما ترجع تعرف إيه الاعتراني
****


عقلي إنشغل

عقلي إنشغل بهواك والحكمة عيني
لاجة ومجافية النوم يا أربعيني
****
هاك بعض حالي البي روقي أسمعيني
جافي الغرام ما لقيت لي منو عيني
لو كان كلام في الطيف مرة أسمعيني
خليني أصل النار في هواك دعيني
****
فوق اللجانية علي لا تجرديني
توب الغرام ودوام عنو أنشديني
طايع أريد لي قساك باهي اليديني
مهما يلاقي عذاب قلبي السجيني
****
مهما يزيد ويصيد همي البجيني
لو كان يزورني الطيف مرة ويجيني
تلبس حظوظي السود ثوب اللجيني
أصبحت كل صباح يزداد أنيني
****

الودعوا إرتحلوا



الودعوا إرتحلوا

الودعوا إرتحلوا شالوا الهنا ورحلوا
ليه يعني خلونا وما رسلو وسألوا
****
إن قلنا نطراهم تألمنا ذكراهم
إن قلنا ننساهم كيفن بننساهم
عارفين طبايعنا في عيونا شلناهم
ما عرفنا درب الشوق من يوم عرفناهم
****
ترجع خطاباتم ما فيها ذكرانا
ما حسو بي شوقنا والزي ورانا
نحن ناس طيبة وشعورنا إنسانا
ونضحي للريدة ونموت علشانا
****
يا حليل محبتنا حليلا أياما
مرت بدون ذكرى وما ظلتا غمامة
ياما سعينالا مشينا قداما
فتحنا ليها قلوبنا وحفظنا إلزاما
****


حبيب فؤادي


طبعا يهواك
وطبعا يهواك
ولا أرضى هلاكي ولا أرضى سواك
يا حبيبي فؤادي طبعا يهواك
****
يتلالا خدك يلمع ضواك
يتمايل خصرك ما حملو هواك
يا مساوي البدر هو لا يسواك
لحظك يمرضني حق من سواك
****
يا الزهر اليانع رايق في ضراك
والعين لي غرامك شوقا تتباكى
ما أصعب حبك ياما أطراك
أنا قابل هجري لو كان سراك
****
أنا عندي هدية هي روحي فداك
يا ظالم رفقا بمن حباك
يا ساكن قلبي ومتى طرفي يراك
هل تدري عشوقا هو من أسراك
****
طبعا لا أعلم في الحب لولاك
يا منعش روحي يا معنى هلاكا
مهما تسلاني انا لا أسلاك
في قولت لالا ما أحلاك ....


أفكر فيه

أفكر فيه وأتأمل أراه جل وأتجمل
هلالي الهلا وأتكمل
****
تفاصيل قولي والمجمل
سأصبر ياخي إيه أعمل
إذا قلب الفتى إتحمل
مصايب الدهر والامو
أرى الصبر الجميل أجمل
****
حديثي ودمعي إتسلسل
فصول في رواية تتمثل
أقيف في مواقف أستبسل
وعن رؤيا الحبيب حالا
أبيت في مواقف أتوسل
****
هواك لي جسمي إتخلل
مجاري الدم إذا إتخلل
وقيع لي رضاه إدلل
وماهماه يا سيدي
دا واحدا أصلو بدلل
****
تذكر عهدنا الأول
صحي الأيام بتدول
قريب يوم داك ما طول
مضت أيام ويا حليلا
بقت أحلام بتتأول
والله يا زول بقت أحلام بتتأول
****

الماضي

وجاي تفتش الماضي خلاص الماضي ولا زمانو
وجفت مقلتي الباكية ونامت من سنين أحزانو
****
أرجع بالزمن مرة وأتذكر حكايتي معاك
تلاقى القصة جد مرة لأني راعيت شعور مضناك
وكل ما تزيدني في هجرك أقول ليك زيدني ما أحلاك
لا نفع التوسل ليك ولا هجراني يوم هماك
****
وجيت تترجى بالدمعات أسامحك أنسى أغفر ليك
أجفف دمعك الغالي مسامحك ما عشان عينيك
عشان تتعلم الغفران وتصفح لو الزمن جار بيك
وحاول لو قدرتا كمان تقدر رقة الحابيك
****
عزت نفسي مابية علي أسلم قلبي ليك تاني
سنين الهجر بيناتنا وحاجات تانية حامياني
ورجع الحنين عاد ليك من تاني وداني
ولو مكتوب علي أحب بحب أنسان يكون تاني

9/ البوم في بالي

قالوا لي سرو

قالوا لي سرو سر غامض ماقدرت أحلو
قريب قريب خلاص نبدأ بحر الزراف
نزور ونشوف أهلي الدينكا اللطاف
*****
أملنا على نهاية المطاف ومنا الكان هواب وخاف
دخلنا الميس خلاص وين فوق للرجاف
*****
ياجونقولي حاشا مانسوك أهلك تضافرو ونسوك
ياجونقولي حاشا مانسوك أهلك تضافرو هندسوك



بقيت مازي زمان

بقيت مازي زمان
كنت بدورنا وتزورنا وتسعدنا ياأمل من زمان
*****
الريدة بين الناس صلة ريدتنا ألحق حصلا
ليه يعني داير تفصلا ما الدنيا حب ومواصلة
*****
أسعدنا حبك ياجميل بقينا فيهو زمن طويل
ريتا أيامنا القلبيل ترجع تنوم العين قليل أ
*****
كل ليل تملي الروح هفا ليه رحت سبت المعرفة
علمتنا الحب والوفى من نار جفاك ياجميل كفى



سمحة الصدف

سمحة الصدف حلوة الظروف
وأنا ياجميل دايماً بزيد الحروف
بقول حلوة الظروف وادائما
*****
أصلي ماقادر أصف كل الحصل أنا
أصلو الحصل مابتوصفولابي حرف لابي غني
غايب سنة وفي لحظة بس نلقاك هنا
بالله شوف سمحة الصدف حلوة الظروف
*****
اللقيا عاد ماأجملا والله من يوم الرحيل
لاشوفتك السمحة إتلقت ولاضقنا من بعدك حلا
الشوق يزيد والنار تقيد ولا عيني خاتيها الأسى
ولاشوقي قال للدمعة لا
الليلة بي شوفة الجميل عيوني تبقى مكحلا
بالله شوف سمحة الصدف حلوة الظروف


الحبيب

الحبيب مالو ما جاء وين مالو ما جاء
إنتظرتو لما ما جاء رحت زرتو
ياعوازلي إنتو جرتو كان عرفتو كان عزرتو
*****
خدو وجا جوة قلبي غاص وفجا
في الغياب ما عندو حجة صدّ صاب الريد ولجا
*****
حبي عرفو طرفي صاحي يرعي طرفو
ذوقو والإحساس وظرفو كم قسى وقدرت ظرفو

*****
الحنان الزي حنانو شوفو لي وين مكانو
الجمال في الدنيا زانو ده بتروح الروح عشانو
*****

*****
الليلة جا جا اللية جا الليلة جا

*****


بعيد الدار

طال بي بعدك متى يامولاي تنجز وعدك بعيد الدار
بعيد الدار إنت جميل جمال ودار جميل جدا لكن غدار
أراك ياخلي جرمت علي جنيتو علي كوكب سعدك
*****
بعادك طال تزيد كل يوم نفور ومطال
نفورك كم ضيع أبطال
متين يا ظبي تكون حاس بي تزيل البي
أنا في عرضك
*****
كفانا بعاد كفاك تعال تعال عفواً من غير ميعاد
تجدني أمين كأني خلي عشان ياجميل قلبي بحبك
*****
عليك غنيت وجدتك قاسي ما حنيت
أكون معزور أنا لو جنيت
فقدت سكون فؤاد ممكون
ضروري يكون موجود عندك



ياسميري

قلبي المانساك أسمح لي بنظرة لو في الطيف عساك
بدلّك وتيهك مع تشديد قساك جوة فؤادي ساكن صبحك ومساك
حسنك خف قلبي وتقلك رساك بغرامك كساني بالانوار كساك
*****
إنت سالي جيلك وجيلك ما سلاك
إنت بتتجلى حلية ومابتجلوه حلاك
كيف آلاما تهوي وتعشق بلاك
يامراهم جروحا ياملاكا وملاكا
*****
جلي الباري أبدع في خلقك براك
عشت قليبي يتعب في حبك وراك
صحواً مابتزورني هل في الطيف أراك
يالرشا المكحل يالشويدن الأراك
*****
ياغزال لهلاكي فكري مين هداك
الموت بين كواحلك يانويعس هداك
عصفور الخمائل بالنظرة إشتهاك
تزدري بالزهور أكمام دهاك
*****
يالفي الخطرة لينك في جيدك بهاك
نومي الشلتو جيبو هاك قليبي هاك


المدفع الرزام


المدفع الرزام طلقاتو من صدرك
ياحبل الضرة المافي سيل حدرك
النار ولعا اتوطا فوق جمرك
*****
لزام التقيلة والعافية دراجة
وروني العدو وأقعدو فراجة
شتت شملهم واديهم الحاجة
مابرجع تاني ليها أزلنا دوعاجة
*****
من عصرا كبير حس النحاس كح
الفارس برز والخاين إتنح
وقت الشوف يشوف أخوكي يالسمحة
فرتاق للصفوف في أقل من لمحة
*****
غربلت الفراسة واخدت صافيها
إن جات لي الألوف غير شك بكفيها
بتعرفنب الخدود وأنا بعرف الفيها
النار ولعت بي قلبي بطفيها



في بالي

في بالي حبيبي ياغالي كيف أنساك
حبيبي انت غالي وانا ساهر الليالي
سابح مع خيالي في العالم الجمالي
*****
أنا في الظلام هلالي نور وجهك البلالي
شفاي من إعتلالي رحيقك الزلالي
*****
ياحبيبي خمري لونك زان الكحل لعيونك
برق الظلام سنونك والبدر نورو دونك
*****
ليك كم وهبت درة يامنتهى المسرة
والجفوة مستمرة ليه ماعطفت مرة
*****
حبيبي حن علينا وجود بالمودة لينا
أخلصنا ماسلينا بغرامك ابتلينا

نريدة

نريده ونريدة بنريدا بالصيدة
أسرتنا بعيونا وفتننا بالريدة
ريدتنا عذرية صادقة ومصيرية
في دنيا ودرية أفراحها عيدية
أذيانا بعيونا وفتننا بريدا
الباقية في عمرنا نسمات بتغمرنا
لو ريدنا ودرنا تحنانا آسرنا
نريدة ونريدة ......
بنريدا زي ريدا في غنانا تغريدا
دي النافرة زي صيدة راجين مواعيدا
التبري زي لونا ما عشقنا من دونا
عدينا لكولا وحبينا لعيونا
اذيانا بعيونا وفتننا بريدا


10/ لهيب الشوق

نور بيتنا

نور بيتنا و شارع بيتنا يوم ما جيتنا
يالهليت فرحت قلوبنا إطريتنا الليلة وجيتنا
كنا فرشنا السكة ورود لو كلمتنا كان بالجية
خطوة عزيزة ويوم موعود الخلاك تطرانا شوية
تسال فينا وتجي حارتنا ودابة الفرحة الليلة غشتنا
الحظ الجانا غشى سكتنا جانا وجابك لينا هدية
يالهليت فرحت قلوبنا إطريتنا الليلة وجيتنا
شوف شتلاتك كيف نشوانا والفل فرهد فرحان في البيت
والريحان طربان يتمايل غازل زهرة وعاين ليك
كل البيت خليتو في فرحة ضحكه قلوب وقلوب منشرحة
جيت واكتملت بيك اللوحة تسلم سيرتك أهلاً بيك


اللالاية

اللالاية لألأ جبينا
الضوايية ضي الرتينة
يقولو جافية نقول حنينة
يقولو نافرة نقول رضينا
يقولوا جاهلة نعد سنينا
دايرين فراقا خافين علينا
بنية تربالة طبعتها الرزينة
نظرتا الساحرة بي طرف عينا
تبرد حشاي تشفي الغبينة
صبرنا في ريدا آخرتا نضيع
صديرا العوامة صديرا الوزينة
جدايل التمايم لوحة في زينة
منضوم السكاسك لولايو عايينا
الحنونة بي ريدكم الله بالينا
شدولة الشبرية فوق البعيشيبا
تتمايل وتقدل الملكة بي جيشا
قلوبنا يالسمحة نبنيها تعريشة
رضينا بالحالة حرمان بلاك عيشة



ليالي الخير

ليالي الخير جادن من المحبوب نسايم الليل عادن من المحبوب
شفت في الأحلام ظبى يتهادن في رخيم تغمات خلي تنادن
عبرات الشرق بي إزدادن تلك الأحلام ليت تمادن
شفت الحسن الرافل حافل في ثياب الغز والعز كافل
رائع واحل تايه غافل لادن هادن ضامر كافل
بوبح جيدو وأبصر واقل ظنّ مراقب صدق العاقل
قلب المخضوب فوق للفاقل تل اليمنى ومشى متاقل
صحيت ندمان نومي إتقلل أتناوم غش وقواي قلت
حاولت النوم لكن كلا هيهات يعود الكان ولى
ياليتو يعود الكان ولى


سلامتك

سلامتك والألم بيزول كفارة ليك يازول
وكم كفارة لي عينيك عشان تاعباك خلايق الله
يالعسل النقي المسنون وكت بنداك ينبلا
وعيناً صادفت عينيك حاسدا شافا ما صلى
سلامتك والألم بيزول


سيدا

روحي يا سيدا وجدي ما بفيدك إلا قلبك دة تعلمو الريده
إنت ياسيدا سيدا ياسيدا إبتساماتا وتغاريدا إنت قلبك دة تعلمو الريده
ليه تخليها لي تناهيدا يا منى عينا وقسيم ريدا
حبك أضناني ريدك أضناني زي جمال شخصك ماهو لاقاني
يامنى عيني العندي وحداني في دروب حبك قلبي وداني
ياقمر طلة قمر طله لي زياراتنا عاود الطلة
بي غذاباتنا ليه بتتسلى ولا أسبابك من خلايق الله
في الضمير صيدة وجنة مطروحة مابفيد صيدا
شوفتك الغالية كيف مراصيدا القلوب عندك أنت بتصيدا


غنيت ليك

أناغنيت ليك أغاني
ياحبيبي أسمى المعاني وين نتلاقى تاني
إنت الليك الشعراء غنوا وانت البيك العشقوا جنوا
قالوا عبادة ليس أظنو قلبي جريح وجروحو أنّو
لوتعرف الجرحنو في عيونك السر في أنو
بعدت ليه ياحبيب ديارك يالبدر الكامل كمالك
الحور العين يتمنوا حالك مناي في النوم أشوف خيالك
أشوفك منعم في دلالك يامناي وريدي وحناني


حماماتن

ينوحن ليل حماماتن حمن عيني غماماتن
بريدن شوقي لي لماتن
أياب رعاب جمال فاتن ولاشئ في الأدب فاتن
تتوق الروح لشوفاتن وأرجف حين موافاتن
أديب قولي هن ياتن نهات راما وظبياتن
خدودن جل فصادن قلوب الأدباء مرصادن
قنابل ترمي قاصادن وهن صادنو ماصادن
بريدن خف جلادن وضيبن هدهد اللادن
عفافن عف تيلادن بسوي القوم على بلادن


لهيب الشوق

زاد بي لهيب الشوق ماعارف أحوالا
الحلوه ست الناس ياريتني في بالا
مزروعة في جواي وأنا زدت في شوقا
محروسة بي ياسين وقلبي معشوقا
زي نفحة الياسمين سمحة وسمح زوقا
نار الغرام في الجوف زادن لهيب الشوق
الحلوة ست الناس صاحبة معالي وذرق
زي قمرة في دورين قمره في دورين أصلو الجميل معشوق
ليها الحنين دفاق وقلوبنا مشتاقة كاتلانا بي ريدا
ونحن عشاقا السمحة ست الناس حرقانا أشواقا

11/ البوم زمني الخاين

السكرية

بسيمتك تضوي هاااالة ظلمة سدر حالا
يا صاحبة الجلالة ابدا دمتي ليا
يا حلاة السكرية والبسيمة المظهريا
يا حلاة السكرية والقوام السمهريا
احساسي البحسه من زول ما بدسه
بفاخر بيو وبعده وليه الروح هدية
يا حلاة السكرية تسعد الروح الشقيا
فرايحيا وبشوشا في الوجدان نقوشا
نغطى برموشا ولسيع السكرية
بسيمتك تضوي هاااالة ظلمة سدر حالا
يا صاحبة الجلالة ابدا دمتي ليا
يا حلاة السكرية والبسيمة المظهريا
يا حلاة السكرية والقوام السمهريا

زمني الخاين

زمني الخاين ما ليقتلو شعور ظلمك باين
جافيت النوم زمني الخاين

حبي ليك عذري ويا جميل واضح
يا بدر من بدري في هواي البي
يعهودي معاك غير الله مين بدري
جافيت النوم زمني الخاين
زمني الخاين ما ليقتلو شعور ظلمك باين

يا آليف الصيد يا أب عيون صاد
عني نافر صاد إنت ليه يا جميل
ليكا بالمرصاد كل يوم يا جميل
والشرك ما صاد ودعي ما حمّّد أنا
جافيت النوم زمني الخاين
زمني الخاين ما ليقتلو شهور ظلمك باين


زار بعد هجعه طيف حيالي اليوم
فيه مجتمعه وكل محاسن الجيل
يا جميل رجعة لو أفوز برضاك
يا جميل رجعة لو أحوز لرضاك
يا بهي الطلعة يبقى عيدنا معاك

جافيت النوم زمني الخاين
زمني الخاين ما ليقتلو شهور ظلمك باين

ظالمني شوفتك

ظالمني شوف من كم سنة بعدين معاك أنا ياهوى
ودرتو فيك أملي الكبير ورميتني في جور النوى
سنيني ضاعت بي وراك وشايل دريباتك دوام
والغريبة بقولوا عنك للقلوب أنجع دواء
من بدري صافيتك أنا واشعلت في ديرك شموع
ووهبت ليك باقي العمر


ود البجرد الألفية

ود البجرد الألفية الليلة طاري الجية
ود البجرد الألفية الليلة طاري الجية
اب سيرة دوام محبوبا و الكلمته ما مقلوبا
ود سيحة لالبوبا ..






12 / البوم الحجل بالرجل

الحجل بالرجل

الحجل بالرجل يا حبيبي سوقني معاك
****
الليلة العزول جاب لي خبر بالسو
نسام البحر قلب الخبر باللو
قال لي دام هواك يا حبيبي مهما تسو
الحجل بالرجل يا حبيبي سوقني معاك
****
يا مسافر براك شاقي المفاذة بليل
يوم قلبا طراك أهداك المحبة دليل
بحق المودة حق الهوى والليل
الحجل بالرجل يا حبيبي سوقني معاك
****
يا مسافر براك قبل السفر زامل
يوم قلبا طراك بالمحنة ما بجامل
بحق المودة حق الهوى الكامل
الحجل بالرجل يا حبيبي سوقني معاك


الأهيف

اه الأهيف ابى ما يليم
من بعدو صار قلبي ضريم
يا ناس بي نار الفرقة
****
ولمتين يا كريم
الحظ يخدمني وحبيبي يليم
واراه الناعس الفاطرو كريم
يألفني ويترك لطباع الريم
****
هو جسمو سليم
وانا جسمي معنى وقليبي كليم
نور محيو البدري والليل يظلم
ليهو راحت الدنيا ولي التأليم
****
ولو مر نسيم
يتمايل غصنك منو مقيسيم
قبال الحاظك وما رأيت يا وسيم
والأعين تفعل فعل المكسيم
****
ما لي نديم
غير نجم الليل ومنامي عديم
لو كان يا مدلل لهجري تديم
أتعذب وتمنع حظي التقديم
****
وبقى شغلي نميم
وفراشي كتار وغطاي حميم
لو كان لي وصالك أوجد تتميم
لي سرك بحفظ في قليبي صميم
****
اه الأهيف ابى ما يليم
من بعدو صار قلبي ضريم
يا ناس بي نار الفرقة


يا روحي

يا روحي أنصفني في حكمك
لانو قاسي علي أنا يا حبيب ظلمك
****
تظلمني والأيام ما بتنصف الأنسان
تشاهد المحبوب عفوا عيان وبيان
بالنسبة لي لطفك والرقة يا فتان
ما كنتا تظلم من قد أضحى بيك ولهان
تتركني للماضي مع انو في الإمكان
تجدد الذكرى وتنسى كل الكان
****
أنا يا حبيبي غرامي تركتو للأيام
تركتا حب ودموع تركتا شوق وهيام
عودتا نفسي إذا ما اشتدت الالام
أصبر على الحرمان وأضحي بالأحلام
جنات هواي العذري ندية الأنسام
تخلي نار الشوق بردا علي وسلام
****
هيامي بيك يا فاتن مصدرو الإنصاف
أنصفتا حسنك حب وأنصفتا حبي عفاف
ذوبتا قلبي معاني أنيقة في الأوصاف
هومتا نفسي خيال في معبدك طواف
سكبتا روحي على كأس المحبة سلاف
هل بعد هذا أكون لسهام نواك أهداف
****






ناعس الأجفان

أنا من صفاك مسحور
وبالله أنت ملاك ولا من حسان الحور
يا ناعس الأجفان
****
وتزرف عيوني بحور
وأقضي الليالي غيام مابين شوق وهيام أرى النجوم في سحور
وفؤادي آه منحور
مقتول بغير سلاح وأقول بكل صراح سببي العيون الحور
****
وفيك الكمال محسور
أكظمتا كل حسود حسنك ضراه يسودعلى كل جيل بعصور
وطرفك لحاظو سريع أسدا شجاع وجسور
وليك نفرة الغزلان مع جبرة الفرسان في هيبة الأسطور
****
وأهيف رشيق مجبور
تتهادى تيه ودلال وما بين غرف وظلال لعب وترف محبور
سهمك علي مكفور
وإيه ذنبي غير هواك أنا يا جميل بهواك من قلبي ما مجبور
****
ويا البي العطاف مشهور
ندك عبير فياح وقوامك المياح أينع ثمر وزهور
وبي حبي دمعي جفور
وانا في دجاك يا ليل نجمك بقى لي خليل وفارقت نور ودهور
****
أنا لي زمن مأسور
هجراني ما هماك ويا اللي قاسي لماك من طول جفاك محسور
وحيات خديدك وجيدك وطريفك المكسور
أنا شعري ما بوفيك مهما ما أبالغ فيك منظومي والمنثور
****




مساء الخير

مساء الخير يا الأمير
يا الحبك شغل الضمير
غيرك ما لي سمير
****
وباهي طلعة ما ليك نظير
الزهر بخديك نضير
وطيف خيالك صار لي سمير
بي حنانك أنا مستجير
****
أرى الصيد منك عيون
أهدى فيك البانة لون
وبين ثمارك وهدر الغصون
تقسى كيف يهون
****
أنت منظر يفرح رؤاك
أنت ديمة الخير في خطاك
ونشقى نحنا وطالبين رضاك
تمسى بالخير يسعد مساك
****



اجلي النظر

اجلي النظر يا صاحي
في منظر الانسان الطرفو نايم وصاحي
صاحي كالنعسان
****
وفي الضي جبينا النادي والبدر خلان
تجمع كل لطافة ورقة ونفرة الغزلان
مابينوجسيما اللادن الكسلان
يزري الحرير الناعم والفريع اللان
****
وداعجة ومكحلة خلقة عظما الرحمن
بي الجمال جمال الخلقة إتوشحا الإيمان
هي في الجمال زي يوسف والوهيبة كمان
تمتاز بديسا طال وبي لهيج رمان
****
أنا قلبي طار من صدري يا حبيبي عشان
شوفتا حور الجنة داخل الحيشان
شوفتا العيون بتقهقر ضابط النيشان
شوفتا الجمال الوافر بي عظيم الشان
****
ومني السلام ما غنا شادن أو رطان
ومني السلام ما دنا بفارق الاقطان
يخضب بنانك حنة والوريد قيطان
والأيد رضاك يا ملكة نجلة الصلان



[color=red]13/ البوم ما تشيلي هم

معقولة بس

معقولة بس في ناس كدا
معقولة بس في زول كدا
*********************
في عيونه زي ريم حفل
في لونه خاطف وأنعسل
في المشية زي غيماً رحل
عصر الجمال منه أبتدا
*********************
فى قوامه بتحدى الشعر
في دربه كم عاشق ودر
نظراته أقوى من السحر
وقتين سهامه يسددا
*********************
شعره ليل أسود نزل في وجهه زي صبحاً أطل
كلامه أشهى من العسل ز[/size]
الرجوع الى أعلى الصفحة اذهب الى الأسفل
http://elfasher.sudanforums.net
عماد بطة




الجنس: ذكر
الثور عدد المساهمات: 81
نقاط: 1624
السٌّمعَة: 0
تاريخ التسجيل: 18/01/2011
العمر: 26
الموقع: elfasher

مُساهمةموضوع: رد: جميع كلمات محمود عبد العزيز   الإثنين أكتوبر 03, 2011 2:52 pm



  1. 20/ البوم عامل كيف
    عـــامـــل كـــيــف

    عامل كيف .. كامل كيف .. يا الخضرتا مواسم ريدى
    الكانت قبلك آآه كلها صيف

    يا تحنان الريد الاول قول لى حبى الغايب الطول
    أ نا عن ريدك ما بتحول .. لو دقات القلب تقيف
    عـــامل كـــــــــيف

    خلى عهودك زى ما هى .. كدة على طول بتزيد حنية
    بس لو تشفق مرة على ... وتبقى الدنيا بى لون الطيف
    عااااااامل كيف

    عامل كيف .. كامل كيف .. يا الخضرتا مواسم ريدى
    الكانت قبلك آآه كلها صيف


    سلام الجفا

    سيب سلام الجفا .. حبيبى تعال
    من عنادك كفا .. حبيبى تعال

    لى ريدك جيبو .. انت قلبى نصيبو
    باقى ليهو حبيبو .. حبيبى تعال
    الريد بلاك ما بزيدو .. حبيبى تعال
    سيب سلام الجفا .. حبيبى تعال
    من عنادك كفا .. حبيبى تعال

    يا حياتى وروحى .. يا شرافت لوحى
    من سهادى ونوحى .. حبيبى تعال
    تعال وداوى جروحى .. حبيبى تعال
    سيب سلام الجفا .. حبيبى تعال
    من عنادك كفا .. حبيبى تعال

    فكرتك فى بالى .. يا العزيز الغالى
    الحسود مد بالى .. حبيبى تعال
    تعال وكيد عزالى
    سيب سلام الجفا .. حبيبى تعال
    من عنادك كفا .. حبيبى تعال






    دروب الشـــــــــــــــــــوق



    دروب الشوق لمتين تودينا
    مخلاص تهنا وضاعت امانينا
    كم مره اوعدنا وخلف مواعيدو
    كم مره حاولنا ننسي
    ونسيب ريدو
    لكن بدون نشعر
    تلقانا بنريدو
    مكتوب علينا هواهو
    ومصيرنا في ايدوو
    جنيت علي ياقلبي ورميتني
    في حبو
    انت عارفو زول قاسي
    وزي الحجر قلبو
    انت عارفو زول قاسي وما بحن ليك قلبو
    الناس كثير رادوهو
    ما اتهنو في قربو
    والله احسن ليك تنسي وتفك دربو




    كتر في المحبة


    كتر في المحبة زيد الريدة حبة

    نحنا اتنين أحبة وإلا الشوق مخبا

    من قمنا وربينا والشوق سامي بينا

    جمعتنا العواطف وأخضرت سنينا

    لو تعرف يا ظالم هواك هو الباقي لينا

    ما دام انت راضي تاني ولا علينا

    وكتر في المحبة وزيد الريدة حبة

    نحنا اتنين أحبة وإلا الشوق مخبا

    خلي الناس في حالة ما تسمع قوالا

    يا سيد اللطافة ريدتك ليهم محالة

    صايباني العيون ورامياني بنبالة

    بريدك وانت ريدني الناس زعلانة مالة

    لو فاكر حبيبك ما تطول بعادك

    أسأل كل عاشق مين الزيي رادك

    يا سيد اللطافة أبقى على ميعادك

    وكتر في المحبة وكتر في ودادك

    وكتر في المحبة وزيد الريدة حبة

    كتر في المحبة



    طروني ليك


    طرونى ليك انا كنت قايل اصلى مابطراك تانى

    كنت فاكر طول فراقك يمحو ريدك من زمانى

    الا تارى البينا للسع مانسيتو ولا نسانى

    فجاء اتذكرتو ريدنا والزمان الكان معاكا

    والمشاوير والامانى والفرح ساعات لقاكا

    حتى قلبى القال نساكا مالو زى المانساكا

    صحى جرح الماضى تانى من جديد هسع بكاكا
    الا تارى البينا للسع مانسيتو ولا نسانى

    طرونى ليك من تانى اندم زى كانى كنت ظالم

    لمت نفسى وقلت ياريت لو الظروف بتلمنا تانى

    طرونى ليك انا كيف ظلمتك

    لم جيت غلطان وراجع طرونى ليك

    طرونى ليك انا كنت قايل اصلى مابطراك تانى

    كنت فاكر طول فراقك يمحو ريدك من زمانى






    دمعي جاري

    أنا دمعي جاري وأسبابي جاري
    يا ريته يعلم بي البي جاري
    أ ه دمعي جاري وأسبابي جاري
    يا ريته يعلم بي البي جاري

    في قلبي ساكن جاري البعزو
    هاجرني لكن آسرني حبه
    يا ريت يدري الام محبه
    يسعفني حالاً قبال وداري

    جاري البعزو الطلة سابا
    كل ما طريتو أزداد صبابا
    يا ريت ديارنا جا ودق بابا
    يمسح دموعي ويطفيها ناري
    أ ه دمعي جاري

    مهما جفاني ما بهوى غيره
    من لون سماره الناس بغيره
    لو مر طل أو فاح عبيره
    أشواقي تفرح ويزداد حساري

    أ ه دمعي جاري وأسبابي جاري
    يا ريته يعلم بي البي جاري
    يا ريته يعلم بي البي جاري







    البي ما حاسي

    البي ما حاسي
    مالك بقيت قاسي
    وين حنانك لي أنا
    وين رحت يا ناسي

    دسيت كلام الريد وما بحتو صرحت
    قلبي البريد عينيك جد ليهو حرحت
    رغم المحنة الفيو بالريدة ما بحت لا لا
    لا قدرت أنسى هواك لا منو أرتحت
    دسيت كلام الريد وما بحتو صرحت
    لا قدرت أنسى هواك لا منو أرتحت
    رغم المحنة الفيو بالريدة ما بحت لا لا
    لا قدرت أنسى هواك لا منو أرتحت
    البي ما حاسي ........

    يا الزدت في هجري وناسي البدينا زمان
    أجمل غيم عذري قلبك نساه وخان
    قاسي الزمن نساك ما خلى فيك حنان
    نسيت معاني الريد والطيبة في الأنسان
    البي ما حاسي ..........


    امي
    أيا يا أمي معقول تجافيني
    خليني نفند كدي نلقا مراد قلبي
    انا كان تعرفي رايي نسوي التدوري
    كلام ما بحقك انا خاطي بس نتري
    اسمعي كلام قلبي وبيت الحنان

























    رد مع اقتباس

































  2. 27-04-2009 10:16 PM




    مشاركة رقم : [10]











    خلي بالك











    عضو جديد










    رقم العضوية: 95

    تاريخ التسجيل: 27 - 4 - 2009

    المشاركات: 15



    بمعدل: 0.02

    عدد النقاط: 0

    التقييم:
















    رد: جميع كلمات محمود عبد العزيز














    21/ البوم شايل جراح
    أنت كان زعلان

    أنت كان زعلان أنا ما ما ما بزعل
    أنت كان مبسوط يا حبيبنا نحنا بالأكتر ..

    ده سؤالي نقروشو
    ده حجيلي حركسو
    لو سمعت كلام عدوك
    احننا سيبناك للداروك

    أنت كان زعلان .....
    يا سيدي نحنا بالاكتر

    نضوي البيت بالشمع
    وليك كلاما بنسمع
    كان جبل طلعو كان عسل داقو
    لو سمعت كلام عدوك
    احننا سيبناك للداروك
    أنت كان زعلان .....


    آسرني يا مياس

    آسرني يا مياس
    أحساس جميل زيك
    ما لقيت في دنيا الناس
    ساكت شبه زيك
    آ سرني يا مياس ...

    ما تشوفي يا نطرات
    كيف القوام مياس
    جمعت بيناتنا صلات
    زاد الشعور أبعاد..

    لا همس العيون ضرات
    لا الريد يكون مياس

    آسرني يا مياس ...

    لما الكلام يتقال
    في غناوي زي موال
    يا شوق سنيني الطال
    وشايلاك وشالت فال ..

    خايفة السنين ترحل
    ما أصلو العمر رحال ..

    آسرني يا مياس ....



    مع السراب

    مع السراب وقت النزوح ..
    مرسايا أتوهد ويروح
    وأمشي في الريح في الريح .. ..
    زي نجماً فوق ظلال الليل يلوح

    يطل صباح .. ويفوت غروب
    في بحار النور أتوه وأسوح بين الدروب
    وفي فرح شموع أتوه وأكوس نجمي ...
    وأنزح زي عوالما شافا في روض

    مع السراب وسط النزوح ...

    مع السراب فوق البعيد تسوقني الريح لفرح بعيد
    كاسيهو ريد سقياهو فرحات الطيور ....

    مع السراب تتوقد مسارج الروح
    وتطل رؤياي وأسبح بعيد واسبح بعيد..

    مع السراب ...
    واسبح بعيد ...


    دنيتنا الجميلة

    ما هي دنيتنا الحميلة
    شوفو دنيتنا الجميلة
    بوديانها وصحاريها ونخيلها
    بأنهارها وبا أزهارا النضيرا
    ماهي دنيتنا الحميلة ...

    الشمس كل يوم بتشرق
    أصلو ما اتاخر شروقها
    فى العشية تسيبنا تغرب
    ياخي سبحان البسوقها
    ما هي دنيتنا الحميلة ....

    أي واحد لو فكر وقدر
    عظمة الخالق بتطهر
    يبقى واجبنا العلينا
    نبتهل نرفع أيدنا
    و نعمل المفروص العلينا
    ماهي دنيتنا الجميلة ...

    أربعة فصول في السنة
    يمر عبر الأزمنة
    الشتا والصيف وربيع وخريف..
    ماهي دنيتنا الجميلة ...



    حب غيرو

    يا الناسيك وما حاسيك
    وما وراك تقديره
    وراك الهوان في عيونه
    في خطوات مشاوريه
    حب ياقلبي ريد يا قلبي
    حب يا قلبي حب غيرو

    من جواك أشيل الشوق
    شن معناتو تفسيرو
    والطاريك كان يغشاك
    مارضنيك تأثيرو
    أنس الناسي لي الألفة
    أنس الخانو ما يضيرو
    رجع ليهو بسامتو..
    ردها ليهو بسماتو..
    وأهرب من تصاويرو
    حب يا قلبي ...

    اوعك ترعى عنوانو
    تقطف وردة علشانو
    حاول أنسى كل غناه
    كل غناه كل غناه ...
    كل أشعارو والحانو
    للجيران بريدوك
    بخت الرادو جيرانو...
    يا ليل يا ليل يا ليل

    يا الناسيك وما حاسيك ....
    حب يا قلبي ريد ياقلبي
    حب يا قلبي حب غيرو



    غلبنا الهوى

    غلبنا الهوى غلبنا .. عذبنا الهوى عذبنا
    غلبنا ومشتاقين ليهو .. عذبنا ومحتارين فيهو
    الشوق الشوق الشوق في عينيا وعينيهو
    دوبنا وراه عذبنا ...

    نسير في قلبك الخالي .. عمرنا يضيع بلا معنا
    نذوب تحنان في ماضينا .. شوقنا إليك لوعنا
    نسير ياقاسي لو ترحم .. نطولك وأنت تمنعنا
    غلبنا الهوى ......

    نعيش الليل نقضيهو .. مشاعر سامية في حبك
    نأمل لو تسايرنا ... تقلل في الصعاب دربك
    حرام يا غالي تعذيبنا .. متين؟ تسعدنا بجيتك
    غلبنا الهوى ...


    بفرح بيها

    بفرح بيها بفرح بيها ...
    البنيه الهاجده في احضان خواطري ..البشتهيها
    بفرح بيها .. بفرح بيها
    البنيه اللامست ايد السعاده..وضجت الاشواق عليها
    بفرح بها . بفرح بيها

    الحبيبه .. الايقظت نبض الحروف
    بقلوب صدر الكلام
    القريبه .. الزيي لي
    في عيونها برتاح الهيام
    دي الشوقها نص الليل بصحي
    غامض الغمضه وجليها
    بفرح بيها..بفرح بيها

    ليها بتحن القوافي ... بيها تندسى المرأفئ
    الجمال الشايفو فيها الجمال الشايفو فيها
    في رحاب دنيتنا مافي
    جايه من فوق البنيه
    ولامست إيد السعاده .. وضجت الأشواق عليها

    بفرح بيها بفرح بيها .....


    شايل جراح

    شايل جراح فى الغربة مشتاق لعنيك
    اسرح واعيد الكان بعيد خطواتى تتلهف عليك
    واهاتى بيك وأحن إليك...

    شفنا القمر سرحان يطول يـــــــــــاليل يـــــــــــــطول
    شوقنى لى نور وجنتيـــك ضمينى لوكان فى خــيال
    لــــــــــو فى خيـــــــــــال ختينى لحظات بين ايديك

    زهــــرة صباى جنــــة هــــؤاى امــــشى واتوه وارجع واجيك
    بعدتنى عـــــنك غــــربتى وفى خـــيالى ديــما
    اشوف عــنيك واهاتى بيك واحن اليك اليك ....

    فى بسمتــــــك احتـــــــــار واقيف
    فى نظرتك خطوات مشيـــــــــــــك
    برع القوام محيك يقيف للعاشقين
    رحــــــــــــلة غيوم تحمل رسائلى
    فى الوطن تــــــسال عليــــــــــــك
    لابــــد اعــــــود فى يوم اجيــــــك
    تــــتزفى لى واتهنــــــا بيــــــــــك

    واحن إليك وإحن اليك واحن إليك..



    22/ البوم عدت سنة
    فرايحية

    في عيون بسامة فرايحية ..
    يا موانئ بعيدة ومنسية ..
    والريد من قبلك ما كان ريد ..
    ولا بعدك شفنا الحنية ....

    بالصدفة لقيتك يا آسر..
    غنيتك الحان ومشاعر..
    ورسمتك احلام في الخاطر
    عنوان للريدة الابدية..
    يا مراسي حنيني وافراحها
    يا سكة عجيبة ورواحا
    لمتين دنيا يحلا صباحا
    تصحا الاحلام الوردية
    والريد من قبلك .....

    سافرت كتير جوه عيونك
    لونت مشاعرك وظنونك
    ولقيت الدنيا دي من دونك
    زي مرة واحزان وأسية
    والريد من قبلك ......

    كلمتك عن بكره وبعده
    عن املو وافراحو وسعدوا
    عن عاشق حافظ لي وعدوا
    لو يلقا معاك لحظة هنية
    والريد من قبلك ما كان ريد
    ولا بعدك شفنا الحنية ....



    الله يكون في عونك

    الله يكون في عونك يا مفتون ظنونك
    ربي يكون في عونك يا مكتول ظنونك

    هل معقول بعدت في اليوم البعدت
    هل يعقل بعدت بعد ما عمري عدا
    فات مني بمدة الله يكون في عونك
    الله يكون في عونك يا مفتون ظنونك

    وفاكر بدونك الأيام بتصفى
    أو حتي الليالي من غيرك يا غالي
    بتفضل فيها إلفة لما تعود وتسأل
    كيف الحال تبدل معقول بردو صدفة
    فاكر يا مكابر بريدك تجاهر وتسالم بلهفة
    الله يكون في عونك يا مفتون ظنونك...

    طعم الريده دائما أحساس بالمحبة
    أفراح في التلاقي أحلام فينا تربى
    يا رقة مشاعر يا زحمة خواطر
    عشان فينا غربة بس كيفن حننسى
    منك ريدنا لسه في هواك شب
    الله يكون في عونك يا مفتون ظنونك


    كلو منك

    كلو منك بس لأنك غضبن عنك
    ناس بقولو نيابة عنك أنتي القلتي القالوك عنك
    رغم أنك أنتي عنك عارفة أكتر
    عارفا أنوالبينا أكبر
    بعترف ليك في وجهيك اني ما لا قيت شبيهك
    في ظلال رمشات عيونك قلبي رايدك ومستريحك
    لهفة الفرح الموله في قليبي الصار ولوفك
    ترشفي العبق المعطر من حواجبك وفوق جبيهيك

    كلو منك بس لأنك غضبن عنك
    ناس بقولو نيابة عنك أنتي القلتي القالوك عنك
    رغم أنك أنتي عنك عارفة أكتر
    عارفة أنوالبينا أكبر

    يذرف الزمن الممكن في عميري الشايله تيهك
    في رهاب عقبة عيونك أنا لما يجيني يجيهك

    كلو منك .......

    عدت سنة

    عدت سنة ومرت سنة
    وانا لسه يا قمر الزمان عايش على ذكراك
    لا قربت خطواتي اليك لا طيفك الغرور دنا

    لا قلبك القاسي سأل يوم عن عيوني وطمنا
    لا عيونك أنتي مع البعاد يا حلوة هزاها الضنا
    لا أتحقق الوعد القديم نتلاقى كل ألأزمنا
    ومرت سنة

    الليلة عيديك ياهنا

    يا ستنا يا ضينا يا قمرا زانت عمرنا
    نلقاكي هياجتا الطروف عبق الحروف والامكنة
    وعربد علي الكتفين حرير زاهي ومثير يا ستنا
    وزغرت كمان مليان حنان فياض أمان دفاق سنة
    وضحكاتك النغم اللجميل لاتنسي بالبسمة يزداد عمرنا
    ومرت سنة


    الشوق غلبنا

    ياما الشوق غلبنا توهنا وغربنا
    ياما سهرنا ياما ودرنا ...
    غلبنا الشوق

    للفرحة أنا ديمة بغني
    للأيام الطيبة بغني
    للحلوين أطفالنا بغني
    يا السعدو وميعادو بغني
    ليك يا شوقنا يا مغلبنا
    ياما الشوق غلبنا ....
    غلبنا الشوق غلبنا ..
    يا سلام يا سلام سلام يا سلام
    يا ليل لما تغيب وتجينا
    يا سلام لو الأيام تدينا
    بهجة وأفراح وقليب صداح
    من جنة لجنة نطير سواح
    هدينا رسينا بيك يا شوقنا
    يا مغلبنا ياما
    ياما الشوق غلبنا ...
    غلبنا الشوق ...
    ياما الشوق غلبنا توهنا وغربنا
    ياما سهرنا ياما ودرنا ...
    ياما كم جربنا وغلبنا
    ياما الشوق غلبنا ......


    شمس المزاد

    قوم بينا العمر رحلة
    فوقه الغيمة مبتهلا
    بنفرح بشذا النوار
    وقت شمس( المزاد) تحلى
    وقوم بينا

    وأعزف ليك نغيم قلبي
    ما أنت في الرموش كحولاك
    وآخدك في العمر رحلة
    فوق للغيمة مبتهلا
    وأشيلك في العمر رحلة
    بيك الغيمة ميتهلا
    وطول العمر بهواك
    يا ضي القمر واغلى

    قوم بينا العمر رحلة
    فوق الغيمة مبتهلا
    بنفرح بشذا النوار
    وقت شمس ( المزاد) تحلى
    قوم بينا سيدي قوم بينا

    من دون ميعاد تقابلني
    أشوف عينيك تغمرني
    أعاين ليك تفهمني
    أشيل عنك تشيل عني
    أشيل حزنك تشيل حزني
    لا منك ولا مني

    قوم بينا العمر رحلة
    فوقه الغيمة مبتهلا
    بنفرح بشذا النوار
    وقت شمس( المزاد) تحلى

    قوم بينا ......




    ميعاد قطاري اتاخر

    ميعاد قطاري تأخر شفقت ما أستنيت
    لقيتا لونا مهاجر حمرة أتدليت
    هيييهيي

    طلعتن قوزن عالي عاينت في الوديان
    بدور أشوف الصيدة السارحة ليها زمان
    آسرة قلبي معاها خليتو ليها ضمان
    آسرة قلبي معاها سبتو ليها ضمان

    وقفت جنب التونكي عطشان بنادي عليها
    يسقيني بقة موية من الحنان الفيها
    ما ليقيت بقك طاعم شايلة في أيديها

    لمحت بدرا فوقي حيته كيف أمسيت
    سألتو ليه في غيمك متواري ما ضويت
    قا لي قاسي علي البريدو ولبيت
    هيييييييهييييييي

    بنية من لاقيتا مليحة تملى العين
    رزينة والله اداها قليب ملاه حنين
    العايشة في وجداني وروني دربها وين ؟....



    23/ البوم القطار المر
    يا بسامة

    حليوة يا بسامة الفايح النساما
    الريدة في قولبنا والله علاما
    طالبين سلاما ما تبقى ظلاما
    خيا دي الدنيا هي دي الدنيا
    معدودة أيامااااااااااااااااااااااا
    يا ليل يا ليل ياليل ليل ليل

    فيك الوساما الله رساما
    فيك الوساما الله رساما
    ( و محمود محمود محمود)

    فيك الوساما الله رساما
    ضميرة من الصيف
    ضنيرة من الصيف
    والحكمة في القامة
    فيك الوساما الله رساما
    فيك الوساما الله رسااااما
    ( الحوت الحوت الحوت )
    خضيرة رشاما مخلوقة ليك شامة
    فيك الوساما الله رساما
    طنيرة من الصيف
    طنيرة من الصيف
    والحكمة في القامة
    خضيرة رشامة مخلوقلة لي شاما
    خضيرة رشامااااااااااااااااااااااااااا
    ( حوتا يا سيدا سيدا حوتا يا سيدا سيد حوتا يا سيدا حوتا )
    ( سيدا ااااااااااااااااااااااااااااااااااااااا )


    البلوم

    البلوم في فرعو غنا
    طرانا يا الحبان أهلنا
    طرينا مشوار العصاري
    ورعشة الورد البلالي
    البريد داير يداري
    والقلوب كايسة المحنا

    يا دموع لمتين تفارقي
    يا شروق لمتين تلاقي
    أبكي يا دموع السواقي
    حظنا العاثر ظلمنا

    الزمن غلبنا ياما
    حرمنا شال الابتسامه
    يا المسافرين بالسلامه
    أشرحو الحال لاهلنا

    الغمامة حلاة رحيلا
    فوق روابينا الجميلة
    الطيور جات لي مقيلا
    كلموها خلاص رحلنا

    طرينا مشوار العصاري
    ورعشة الورد البلالي
    البريد داير يداري
    والقلوب كايسة المحنة

    البلوم في فرعو غنا ....



    العيون السودا


    أهوى العيون السوده
    وأحب سمار في خدودها

    إنت الصباح الضاحك
    وإنت الغروب الباكي
    إنت المياه العذبة
    إنت النسيم الصافي
    بهواك وأزيد في حبي
    مهما تزيد في نوحي
    وقلبي راح لقلبك
    يا سيدي مالك روحي

    حيد عيونك عني
    حيد جمالك عني
    لغة العيون كاتلاني
    حب الجمال جنني
    شوق الوصال أضناني

    كف عيونك عني
    لغة العيون كاتلاني
    حب الجمال جنني
    شوق الوصال أضناني

    أهوى العيون السودا
    وأحب سمار في خدودها ...





    "ليك مدة ما بنت"


    *****
    ليك مدة ما بنت وأنا في اشتياق لي شوفتك يا حبيبي وين انت...

    *****
    لي مدة من رؤياك يا ليتني كنت .. شفتك ولو في النوم يا اللي العهود خنت...

    *****
    بدر الكمال دونك دُرت وتكمّلت.. مع اعتدال قامتك زي الفرع ملت...

    *****
    ضاوي الجبين بضياك للبدر فاخرت.. غابت كواكب الكون حين انت نورت...

    *****
    برضك مُسامَح إن أنصفت أو ملت.. برضك حبيب مهما في حبيبك أهملت...

    *****
    ليك مدة ما بنت وأنا في اشتياق لي شوفتك يا حبيبي وين انت...




    يا رائع


    يارائع جفيتني .. وأنا ضـائع تعـال لي
    الخـده لال تعــال لي .. دقـائق قٌـلال تعـال لي
    معني الدلال تعـال لـي .. والحـب حـلال يا عيني
    ضنـاني الجـوى تعـال لي ... وشـوفتك دوا تعــال لي
    عـارف الهـوى تعـال لي .. والأرواح سـوا تعـال لي
    يا مـزدهـر تعـال لي .. زينـة الـدهـر تعـال لـي
    في شـاطئ النهـر تعـال لي .. بين الزهـر تعـال لي
    ظبـي الأراك تعـال لي .. لي حنيف ضراك تعـال لي
    خلينـي أراك تعـال لي .. مـا بريـد براك تعـال لي
    يا مـزدهـر تعـال لي .. زينـة الـدهـر تعـال لـي
    في شـاطئ النهـر تعـال لي .. بين الزهـر تعـال لي
    الما شاف سروح تعال لي .. أشفي الجروح تعال لي
    أنا لي روح تعالي .. قبال تروح يا عيني
    ناير الخدود تعالي لي .. سيب الصدود تعال لي
    خلي ودود تعالي لي .. بجبك بالحدود يا عيني
    ظبي الحقول تعال لي .. سوي الأصول تعال لي
    بين الفصول تعالي لي .. وعز الرسول تعالي لي

    يا رائع جفيتني ..وأنا ضـائع تعال لي .....



    القطار المر

    في الرصيف مستني
    وللثواني بحاسب
    امتى يظهر نورو
    الليه ديمة براقب

    القى فيه هناى
    يلقى فيني هناهو
    ننسجم لريدنا
    الكان يا مريودي

    القطار يتهادى
    حل في وادينا
    يلا نجري نروحو
    المن زمان ناسينا

    قلبي زاد خفقانه
    و زاد كمان في ولاه
    للحبيب الماري
    الليهو زاد شوقي

    الاشرجي تراه
    للاشارة اداهو
    فتحوا السنفور
    لمروره براهو

    السلامة سلامة
    ياليل سلامة سلامة

    اه خلاص جنيتا
    في المحطة بكيتا
    يا القطار تدشدش
    يا الشلت مريودي

    القطار المر )هذا المقطع محذوف )
    فيه مر حبيبي ) لكن محمود كان )
    بالعلى ما مر ) بغنيه في الحفلات )
    يا الشلت مريودي) والمقطع أصل الشريط)



    ما أعتيادي

    يا الجمالك زينة بادي في رضاك غاية مُرادي
    تكفي منك إبتسامة ويا المعاك راحة فؤادي
    حُبي ليك حُب ما إعتيـــــــادي

    قلبي بلقي الفرحة جنبك لو تحن وتسيب عنادي
    عارفوا بتقسيهوا قلبك ليه بتتعمد بعادي
    حُبي ليك حُب ما إعتيـــــــادي

    زيد في دلك وزيد في تيهك وأصلو ما بغيير في ريدي
    إنت الحان عمري كلوا وإنته أنشودة وجودي
    حُبي ليك حُب ما إعتيـــــــادي

    أيه جنيت وانا حبي طاهر كل يوم يزداد شرودي
    قول سبب علل صدودك ديمة بفرح بيك مرادي

    حُبي ليك حُب ما إعتيـــــــادي...



    عشقتو من نظرة

    عشقتو من نظرة هو قلبو خالي
    كيف الطريقا البيها يتم وصالي
    ما أصلو ما ممكن يرد لي سؤالي
    كأنوا ما شاعر كيف بشغل بالي
    يمر علي كالطيف وتضوي اللآلي
    العقل فار واحتار فيك يا غزالي

    سألت مين ياناس هذا المثالي
    اليانعة وجناتو والخصروا بالي
    المحتشم ومهذب وطرفو حالي
    هل حور أم أنسان أم شيء خيالي

    وفضلت أترقب برقو الموالي
    وأمتع النظرات في كل غالي
    ياالرموش العكسن اعتدالي
    ويا ناس و ياناس أجيبوني عن سؤالي

    وقالو لي ده الملهم في نفسو عالي
    وفارض علينا هواهو وهو سالي
    ده المستحيل ينزل من العلالي
    ده الموحي للشعراء الدرر الغوالي
    عشقتو من نظرة هو قلبو خالي
    كيف الطريقا البيها يتم وصالي
    ولكن غرامي عفيف وأنا ما ببالي
    وروني وين أهلو أكسب منالي




    العودة تاني

    يا قلبي السراري وفيك كاتم أسراري
    حبيبتك أبعدوها وسكنوها البراري
    سمح الريد أباني متين العودة تاني

    يا حنينة الضراكي شريكة الروح براكي
    أنا قلبي باركي وما بنفع بلاكي

    مايسة قواما وزة ولقولبنا أستفز
    والنورالمطلسم مال على بعضة هز

    ودائما فكري دايح قلبي صبح سرايح
    مالك يا الحمامة ما بتزوري الضرايح

    مايسة قوامها بانة وعادا الناس لبانا
    سحرنا جمال خدودا ورمش العين سبانا

    يا قلبي السرارى فيك كاتم اسراري





الرجوع الى أعلى الصفحة اذهب الى الأسفل
http://elfasher.sudanforums.net
 

جميع كلمات محمود عبد العزيز

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» وادع لنا أقباس روحانية للواء محمود شيت خطاب
» [b]تحيه لزائرنا العزيز[/b]
» جميع دروس الرابعة متوسط في جميع المواد تمارين + حلول
» ملخص جميع دروس السنة الرابعة متوسط في جميع المواد
» حصريا فيلم فاصل ونعود بطوله كريم عبد العزيز ومحمد لطفي نخسه DVDSCR وتحميل مباشر

صلاحيات هذا المنتدى:لاتستطيع الرد على المواضيع في هذا المنتدى
منتدي اولاد وبنات الفاشر :: المنتــديات الادبية :: قسم الشعر-